عم بكتب وجّك

بالعامية اللبنانية

خضر سلامة

 

وجك وج الأرض
حامل زوادة واسمك
عم ياكل زندي التعبانة..
وجك أرض وشِعري حجار
نعسانة..
عم تغفى فوقك:
خطيي.. خبيها بفيّك

غيمة طلّت متل جناح
نسر ورعد وبرق ووجك
خلي الغيمة
تزرع مايPhoto000
وخلي عيونك أنتِ وشاح
للي ما عندن خيمة
للي ما عندن قلبك..

ان كان بدك ارقص برقص
رقصة ديب
شاف الغنمة
حلوة وحراسا قلال
سكر عينو فتح شفاف
والناب مصفّى خلخال
صوّب بارود الموّال
وقلها بحبك

وان كنّك ثورة كوني
شمعة عم تحرق عتمة
توزع عالفقرا مونة
ضو وفرح وحب كتير
تعلّق عجبين الحقلة
غنية وفيها غلّة
ونجمة
كوني نجمة بصدر العتمة
وخليني الليلة حبّك.

بجبلّك من عرق التبغ
قْوافي بشبكها بخصرك
والزيتون يصير جرار
عم تدبك حَوَلا صدرك
برد وعود وسهرة نار
رصاص موصّل ع خدك
وقواص مبلّش تمّي..
بيطلعلي الليلة بوسك؟
بيطلعلي الليلة بوسك!

Bookmark and Share

Advertisements

الأوسمة: , , ,

5 تعليقات to “عم بكتب وجّك”

  1. عبير Says:

    يسعد ربك يا خضر شو حلوة
    حلوة حلوة .. حبيتها كتير 🙂

  2. جوعان Says:

    D: عبير تقبريني انتي و طلتك شو حلوة
    هاي اول تجربة الي بالعامّية… الطقس الو جمعة بيعطي روح “بلدية”.
    شكراً يا بيلسانتنا الغالية

  3. kollok Says:

    i like :d

  4. عم بكتب وجّك – 2 « جوعان… مواطن ضد الأنظمة المزورة Says:

    […] بكتب وجّك – 2 By جوعان عم بكتب وجّك – 1 خضر […]

  5. قلبي | جوعان... مواطن ضد الأنظمة المزورة Says:

    […] عامية سابقة – عم بكتب وجّك 1 عم بكتب وجّك […]

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: