سحسوح جديد للدولة

خضر سلامة

إذاً، فعلها الاسلاميون في لبنان، أثبت السلفيون ومعهم كل أنواع القوى الرجعية، عشائرية وطائفية وتكفيرية، قوتها على الأرض، واستطاعوا ضرب الدولة اللبنانية، والجيش اللبناني، والحكومة اللبنانية، سحسوحاً مرتباً، أدى إلى إطلاق الارهابي الموصوف شادي المولوي، المتهم بحيازة شيفرات لتنظيم القاعدة وبتهريب أسلحة إلى سورية.

ماذا حدث؟ قام الأمن العام بتوقيف المولوي أثناء زيارته لمكتب وزير لبناني، ما أدى إلى انتفاضة الاسلاميين في طرابلس، واطلاقهم النار على مراكز الجيش اللبناني، وعلى مناطق "النصيريين الكفرة" بطبيعة الحال، واستمرت الاشتباكات لأيام، قبل أن يقع مقتل شيخ على حاجز للجيش بعد اطلاق موكبه النار على الجنود ومحاولة احدى السيارات الهرب، ما ادى الى اشتباك محدود قتل على اثره الشيخ مع مرافق له، وأدى ذلك الى توسع رقعة "الغضب" الطائفي السني، إلى أن أدى اليوم إلى انتصار الطائفة على الدولة اللبنانية: توقيف الضباط المسؤولين عن الحاجز الأخير، اطلاق سراح الارهابي المولوي، وفتح ملف الموقوفين الاسلاميين.

سحسوح مرتب إذاً، ذو أبعاد عديدة، اليوم، يعلن رسمياً انتصار منطق الطائفة على منطق الدولة، إذا اعتقل أحد أبناء عشيرتك، سلّح العشيرة، انزل بها الى الشارع، اقطع الطرقات، دمر المرافق العامة، اطرد الجيش، هدد باحراق الطوائف الاخرى، وانتظر تحقيق مطالبك وإلا!

Untitled 

ما حدث بعيداً عن كل ذلك، إشارة خطيرة، فهو سيعطي دفعاً شديداً استقطابياً للتيار السلفي في لبنان مع هذا الانتصار الغير مسبوق له على الدولة، برعاية رسمية وتآمر من رئيس حكومة يعتمد على الرجعيين والتكفيريين في انتخاباته النيابية، وبواعز خليجي مباشر ثبت في "صدفة" سحب الرعايا قبل تأزم الأوضاع، وبتحريض مباشر من نواب تيار الجحيم الحريري، المستقبل، الذين يبدو أن مهمتهم اليوم هي نعي تيار المستقبل ودفنه، بأجندة أوامر سعودية، من أجل تسهيل نقل السنية السياسية من المزاج الحريري إلى المزاج المتطرف التكفيري، وسط حاجة متزايدة بعثية لتفجير الوضع في لبنان، وحاجة دائمة للسعوديين لجر سلاح حزب الله الى الداخل أيضاً بأي حجة كانت، والتقاء مصلحة الاثنين بلعب الورقة الأخيرة في كباشهم الدولي، على الأرض اللبنانية بعد انسداد آفاق الحل الجذري في سورية واتجاه الدول إلى تقبل حل سياسي، ما يعيد الجميع الى المربع الاول: لبنان، حيث يمكن للبعثي استنزاف خصومه الاسلاميين هناك في شكل "امارة" بحكم ذاتي في الشمال، ويمكن للسعودي استنزاف خصمه الايراني من بوابة حليفه حزب الله المهموم بأعداء جدد وافدين لتطهير البلد من الروافض والنصيريين والنصارى.

انتصر اليوم تيار طائفي جديد، بعنوان جديد، تيار يحضر نفسه ليرث طائفة سياسية، بعد عزل المسيحيين في السبعينات وخوف الشيعة في ال2005، يطل "مظلومية السنة" كمصطلح جديد، يجب علينا أن نتقبله، ونرعى تحويله برعاية وتمويل مباشر من أمراء النفط والغاز إلى هوى سلفي تكفيري تخريبي، وإلا، فنحن أقل فهماً لشرعة حقوق الانسان، ومن ضمنها حقه بتخريب البلد وتكفير الآخرين وهدر دمائهم وطرد الجيش وقطع الطرق وفرط العقد الاجتماعي الهش اصلاً، واسألوا الليبراليين عن حقوق كل من يركب الركب السعودي!

الدولة تركع، رئيس جمهورية هش، قيادة جيش مرتبكة، رئيس حكومة مرتهن وفاسد، وأحزاب طوائف تساوم على كل شيء، الخيانة وجهة نظر بفضل فايز كرم، واليوم، الارهاب والقتل والتكفير ايضاً، وجهة نظر.

الأوسمة: , ,

7 تعليقات to “سحسوح جديد للدولة”

  1. ملك Says:

    المهم انو قعد بالسجن اكتر منك …..كان لازم قعد اقل ..انت بتخرب السلم الاهلي والعلاقات مع الدول الشقيقية اكتر منو ..في شي غلط

  2. نعاج الطوائف، هم الدولة والقضاء « بلد التستوستيرون Says:

    […] سحسوح جديد للدولة […]

  3. عصابات الطوائف، هم الدولة والقضاء « بلد التستوستيرون Says:

    […] سحسوح جديد للدولة […]

  4. rania itani Says:

    by Rania Samir Itani on Wednesday, May 23, 2012 at 6:11am ·
    ترددت كثيرا قبل كتابة هذا النص, فانا بطبعي انسانة لا احب وجع الراس كثيرا وافضل ان تكون علاقاتي مع جميع الناس سلمية خاصة عندما نكون باغلبنا متفقين على المبدأ ومختلفين في التفاصيل فقط. مع العلم انا لا ادعي انني على حق والجميع على خطأ انا فقط اعبر عن ما اشعر به وما الاحظه. وما دفعني لان اقرر كتابة هذا النص وباللغة العربية لكي يفهمني الجميع هو انني تعبت من مسايرة الكل وتفويت الهفوات التي يقع بها الجميع وذلك لمجرد خوفي الشديد على هذا البلد من الآخر واعتقد ان الكل بيعرفني مش من النوع يللي بينظّر.

    ترعرعت في مدرسة تابعة للجماعة الاسلامية, اهلي كانو من الناس يللي يا رب السترة وماشيين حد الحيط. ومن اولها ممنوع الانتماء لحدا ولا الثقة بحدا قد ما كانو مناح معنا لان دقنا الويلات من الحرب. المدرسة علمتني ديني على الاصول وصراحة ما قصروا وانا ممتنة الهم لهيدا الشي امتنان شديد. سياسيا بعرف الجماعة الاسلامية الها اهداف بس بما اني مستقلة من انا و ضغيرة لانو امي هيك ربتني (امي يللي ما مشيت على هيدا الخط الاستقلالي بس للمعلومات مش اكتر) قررت من قبل ما اتخرج من مدرستي يللي تعرفت فيها على احسن الناس يللي كمان للمعلومات هني مع الجماعة الاسلامية ومنتميين لالها, قررت اني مش رح كون مع حدا, انا لا اتبع لاحد غير يللي بلاقي مناسب وراسي بيوافق عليه.

    وهيدا الجمدلله يللي صار… ومع هيك الكل بالجماعة الاسلامية كانو وضللو اعزو الاصدقاء. ما حدا عتب ولا سأل ليش…مع العلم الجماعة كان الها افضال عليي وبعدها وما بنكر.

    من الآخر يللي استفدنه من هل تجربة انني تعلمت اصول ديني لان اهلي ما كانو كتير بيعرفو بهل موضوع. كتت كثير ممتنة للمدرسة

    وبخضم كل الاحداث السياسية يللي صارت من ال 2005 لليوم. وصلت لاستنتاج اننو لحد هلق كان معي حق. ما حدا بيستاهل امشي ورا للموت. لحد ما بلشت الثورات وظهر عنا بلبنان او انتشر موضوع الغاء النظام الطائفي. بحثت بهيدا الموضوع ولقيتو مناسب جدا للبلد. حتى كان في اشخاص منتميين للجماعة الاسلامية ووجدو هيدا الموضوع مناسب للبلد . عملت مشاكل مع كتير ناس لانو انا هيك مقتنعة. وفي ناس اعتبروا انني عم اطلع عن ديني. بس من الآخر انا هيك مقتنعة. هلق صح الموضوع ما ظبط لاننو نحنا عايششين ببلد شعبو الحمدلله واعي! بس الفكرة مش هون. الفكرة انو هلق وصلنا ليللي نحنا في هلق وشفت اشياء كثير قهرتني.

    وهون بوصل لمغزى هيدي الرسالة
    كل الاشخاص يللي كانوا عم بنادوا بالغاء النظام الطائفي, انتو اخترعتو لالكن طايفة جديدة بلا ما تنتبهو . وهلق صرتو عم تنظروا على غير طوائف وتعلموها كيف لازم تكون وكيف لازم تتصرف. ماحدا الو حق يعترض على ايمان غيرو ونظرتو للحياة. والطريقة يللي بمارس فيها دينو هاي حرية شخصية. الحرية يللي بتحكو عنا. انتو ايه بتحكو عنا. المواطن اللبناني حر اذا بدو يكون سلفي ماحدا خصوا. اصلا انتو بتعرفو شو يعني سلفي وشو الفرق بينو وبين الشيعي والسني والمعتدل والبلوط افندي. شو خصكن الزلمي اذا
    ربى لحية والا آمن اننو انتو كافرين. ما انتو مؤمنين اننو هوي حمار شو الكن معو يعني؟

    انتو يللي بتتصرفوا على اساس انتو اللي واعيين على اساس مصلحة البلد انتو بتعرفوها. واعيين انكن عم تميزو عنصريا وطائفيا لما تتهموا السلفي انو ارهابي بس لاننو سلفي. مع العلم. انا مني سلفية ولا جماعة اسلامية. وعلى فكرة الجماعة الاسلامية منها سلفية والسلفية منن جماعة اسلامية. ما بعرف اذا بتعرفوا تميزوا الفرق او بيهمكن تبعدوا عن الستاريوتايبز هول يللي عادة بتنتقدو اميركا عليهن.

    ولما رجل دين ينقتل وعلى فكرة هو ي سياسيا تابع لتيار المستقبل هيدا الشيخ يعني احزروا شو؟!! مستحيل يكون سلفي! وانتو بتعتبروا اننو هيدا شي طبيعي معليش مش مشكلة .بتكونوا اتجاهلتو اهم شي بميز الانسان المتحضر وهوي احترامو لرموز غيره. غيرة يللي ما بيؤمن ينفس الاشياء يللي انتو بتؤمنو فيها بس هوي حر انتو شو خصكن في مش مفروض نحنا حريين شو منفكر؟!!! والله مش عم امزح هيك انتو بتقولو!
    لما تعتبروا انوا هيدا مش شي كبير ومش شي لازم انتو تعترضوا عليه لاننو حق والحق حق! بعتقد بتكونوا هون اكبر طائفيين بالبلد.
    لانكن ما عرفتو تداروا الناس يللي عم تجربو تقنعوهم بوجه نظركم. وهنتوهم. وتصرفتوا كأنوا كرامنهم ما الها معنا.

    ولما تقبلوها على حالكن اننو بالبلد يللي انتو فيه شخص يتوقف وينحبس من دون محاكمة مع العلم في غيرة قبله كثييير برومية ما حدا معبرهم. يعني اقل شي عملوا الشباب انو خربو الدنيا كرمالو.يتوقف بس لانو سلفي. سلفي فعليا ما عمل شي غير اننو قال على الفايسبوك انو هوي مع الثورة السورية ومع الاسلاميين يللي محبوسيين ظلم برومية. اذا انتو بتقبلوا على حالكن هيدا
    الشي. اذا خضر سلامة بيقبل على حالو هيدا الشي بقبل تقبلوا على غيرك!!
    لأننو المبدأ مبدأ ما خص المضمون

    وبالآخر شباب…الله يللي بتآمنو ا فيه او لا ….يهديكن كلكن. شو ما كنتو تكونو ….وتصيروا تتصرفوا بحكمة مثل ما بتنظّروا

    والله يللي انا بآمن فيه يحمي هل بلد

    • AhmadAT Says:

      آنسة رانيا مش كل العلمانيين بوافقوا على هالكلام يعني انا مع فتح ملف الموقوفين لانه مطلب محق حتى هالمقال مابوافق على شي في وكتير رفاق ما بوافقوا على هالكلام
      حبيت وضح لان كان ردك موجه لكل اليسارية

  5. rania itani Says:

    واضح انك كتير مع حرية التعبير عن الرأي….شكرا ومنكم نستفيد!! على فكرة انا كنت للاسف من الناس يللي هتفوا لخروجك من السجن وقت اللي كنت انت مظلوم. واذا بتنظلم مرة تاني مش رح غير رأي لانو المبدأ مبدأ.

  6. مزيون دياب Says:

    فعلا كلام منطقي وعاقل جدا يا رانيا لو استفدت من كلامك كثيرا

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: