أسئلة سئيلة

وليس لكل سؤال، جواد..

خضر سلامة

– كيف فيك تقنع وزير الداخلية أن الأزعر زياد علوكي عنده صلاحيات أكثر منه؟

– كيف فيك تقنع رئيس الجمهورية أنو هوي مش أنجلينا جولي ومش مطلوب منه ينط كل يومين ع بلد؟

– كيف فيك تقنع شرطي بالدرك، أنو يقوم بواجبه وقت يكون في إشكال، مش يتصل بالجيش؟

– كيف فيك تقنع مواطن عادي، أنو الاشارة الأورنج يعني تمهل، مش أسرع قبل ما تصير حمرا؟

– كيف فيك تقنع سائق عمومي أنو الناس مش برغش، ولا يجوز شرعا الدعوسة عليهم وعلى كرامتهم؟

– كيف فيك تقنع الأم تي في أنو الشيعة مواطنين لبنانيين مش مساقبة جايين زيارة عالبلد؟

– كيف فيك تقنع سعد الحريري أنو لبناني مش سعودي؟

– كيف فيك تقنع غدي فرنسيس أنو مبلا، بتغلط أحياناً، لا بل كيف فيك تقنعها أنو قليل لتحكي شي صح أصلاً؟

– كيف فيك تقنع النيو تي في أنو الإعلامي مش ضروري ينافس بروس ويليس بالتمثيل؟

– كيف فيك تقنع جريدة الجمهورية، أنو ما حدا عم يقرأها؟

– كيف فيك تقنع إذاعة صوت المدى، أنو الفكر العوني مش منتشر بكل الكوكب، ولا بكل المنطقة، ولا بكل لبنان، ولا بكل كسروان حتى

– كيف فيك تقنع جمهور حركة أمل أنو رئيس مجلس النواب هو منصب رسمي لبنان، مش الاسم الثلاثي تاع نبيه بري؟

– كيف فيك تقنع سالم زهران أنو كل الناس عرفت أنه سني، مش ضروري يضل يذكرنا بالموضوع، وحدا يعمل تاغ لمحمد سلام بالسؤال

– كيف فيك تقنع تيار ثوري أن الديمقراطية لا تضمن حق شريك بالوطن بالدعوة لقطع رأس شريك ثاني، بالوطن؟

– كيف فيك تقنع صديق، أنو اذا عنده خمسة آلاف صديق عالفيسبوك افتراضياً، مش يعني صار عم ينافس هيفا وهبي بالحشد الجماهيري فعلياً؟

– كيف فيك تقنع وزارة الأشغال أنو مش ضروري تعتذر عن ازعاجنا بسبب الأشغال، بس ضروري تنهي هالأشغال يوماً ما؟

– كيف فيك تقنع مواطن أن قراءة كم كتاب ما بتعني أن باقي البشر صاروا برغش، إذا هيك القراءة، بلاها يا أخي؟

– أخيرا، كيف فيك تقنع ابن الجيران، أنو اذا جارته حطمتله قلبه، أهالي الحي ما بيعنيهم الموضوع وما مضطرين يسمعوا معو آخر أعمال هاني شاكر؟

مدونة مواطن جوعان على الفيسبوك

الأوسمة:

رد واحد to “أسئلة سئيلة”

  1. r.a.y.az Says:

    سلام خضر عجبتني

أضف تعليقاً

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s


%d مدونون معجبون بهذه: